Alfaz Zindagi k..

Alfazon ko dhoondte hue ,

Mein ik anjaani raah par chal diya,

Usi raaste par tumhara ghar tha,

Jahan maine apna imaan rakh diya.

Alfazon ko dhoondte hue,

Mein us mod par aa gaya,

Jahan se koi manzil he nahi thi,

Phir mein khud raasta banate hue chal diya.

Alfazon ko dhoondte hue,

Woh din aaya k shabd he nahi mil rahe the,

Aapse yun he mulaqat ho gayi ae zindagi,

Aapke pyaar mein hum yun he kho rahe the.

Jab kabhi yaad karoge..

Jab kabhi yaad karoge,

Mein qaid yaadon se ubhar aaunga,

Isi tarah se apni masti mein kho jaaunga,

Tum yun he yaadon k saath jeena,ik din is zindagi se chala jaaunga.

Jab kabhi yaad karoge,

Mera woh aks nazar aayega,

Kho jaoge un beete lamhon mein,

Mera khumar phir aansoon bankar chalak jaayega.

Jab kabhi yaad karoge mujhe,

Aas-pass dekh lena kisi bacche mein shayad nazar aa jaaunga,

Zindagi ka safar lamba hai,

Itna toh hai k is dard ko bhi seh jaaunga.

Jab kabhi yaad karoge mujhe,

Kuch pal k liye pass tumhare ruk jaaunga,

Tumhein hamesha khush dekhkar,

Mein khudko khushnuma paaunga.

Jab kabhi yaad karoge……….